Jamal Skali
.

لتحضيرعجين كعب الغزال و يكون ناجح تحتاجين سيدتي إلى:
طريقة تحضير كعب الغزال

ربع كيلو طحين
م ص زبدة مذوبة
م ص عسل
2 م ك ماء الورد
1 أصفر البيض
كاس متوسط من الماء تقريبا 13 سل
ربع ملعقة ملح أو حسب الذوق
لتحضير مقادير الحشوة تحتاجين إلى:
نص كيلو لوز مقشر
ربع كيلو سكر خاشن
20 غرام زبدة
مسكة حرة محكوكة مع القليل من السكر
2 م ك ماء الورد
طريقة التحضير:
في آلة العجين كنعجنو مكونة العجينة كاملين بحيث كنخويو الماء شويا بشويا حتى كنحصلو  على عجينة متماسكة.
كندلكو العجينة و نقسموها لكويرات نغطيوها بالبلاستيك الغذائي papier alimentaire تقريبا ربع ساعة
في حينها كنوجدو الحشوة ديالنا اللي كنمررو في المفرمة باش تولي عندنا عجينة اللوز متماسكة و رطبة
كنسرحو من بعد الكويرات بالدلاك على طاولة مرشوشة بالطحين حتى تولي العجينة رقيقة إلى رفيعة
نصيبو صبعات ديال اللوز من 25 غرام و نعمرو بها العجينة و نسدوها على شكل هلال
كنثقبو بإبرة كعب الغزال ديالنا و نوضعوه في طوى مفرشة بورق المطبخ و نخليوه ليلة كاملة باش ينشف نسبيا
كنسخنو الفران على درجة حرارية 180 و كندهنو كعب الغزال بالزبدة و الزيت و ندخلو ليه كعب الغزال ديالنا حتى يبان صفر بحال التبن
كنخرجوه من الفران و نخليوه يبرد قبل ما ناخذوه من فوق الطوى
و بالصحة و الراحة
(إذا كانت هناك شي حاجة غير مفهومة المرجو ترك تعليق و أنا رهن الإشارة)
و شكرا على مروركم

إرسال تعليق

يتم التشغيل بواسطة Blogger.