Jamal Skali
.

chausson au thon
كنحتاجو في العجينة 4 دالكيسان ديال الدقيق، الملحة، نص ملعقة سكر سنيدة، أصفر البيض، ملعقة كبيرة تاع الخل، ملعقة كبيرة تاع حليب غبرة، خميرة الحلوى، 2 معالق كبار تاع الزبدة،
نجمعو المقادير كاملين بهاد الزبدة
و نجمعو العجين بكاس تاع الحليب دافئ

كنغطيو العجينة تاعنا
في هاد الوقت نوجدو الحشوة اللي هي.
1 حبة بصلة كبيرة مشلظة
1 حبة كبيرة مطيشة مقطعة طراف صغار
1 فلفلة كبيرة مقطعة قطع صغار
ملح، إبزار، خرقوم، تحميرة
كنشحرو مكونات الحشوة في مقلة مع شويا زيت الزيتون و معيلقة من زيت الطون حتى يبان ذبال شويا، كنحيدو الزيت اللي بقات في علبة الطون و كنزيدو الطون فوق الخضرة و نحركوها حتى يتخلطو مزيان و نحيدوها من العافية.
و من بعد، نسرحو العجينة تاعنا و نقطعوها دويرات و نعمروها و نحكو عليها فرماج أحمر و نسدوها
ندهنوها بأصفر البيض و نديروها في طوى مفرشة بورق الزبدة و ندخلوها الفرن حتى تحمر و نخرجوها
شصون لذيذ

و بالصحة و الراحة

إرسال تعليق

يتم التشغيل بواسطة Blogger.