Jamal Skali
.

واش هذي هي خديجة اللي على ودها جمع داك خونا البوليس و البومبيا و الغاشي لمدة 3 سوايع، أنا في الأول سحابلي ولد، ما بانش عليها بنت...إلى أخره من كلمات و تعاليق يستهزئ بها البعض في الفيسبوك متفاخرين و مافاهمين والو،،،خصوصا البنات.
و لكن اللي ماعاشتش في ظروف بحال ديال خديجة مغاتفهم حتى وزة،
مراكش
و غنهضرو بالدرجة اللي كنعرفو باش نتفاهمو.
أنت اللي جالسة و كتضحكي على هاذ البنت، أولا واش هي ماشي بنادم، ثانيا واش تربيتي في الكريان بحالها؟ واش نعستي على ربع متر في الزناقي فوق الكرتون و بعض المرات في الضس أو حتى حدا الزبل حاشاك؟ تما فين كتكوني معرضة للإغتصاب على يد وحوش بشرية من 4 إلى 5 أفراد كيتناوبو ...على أساس أنهم غدا و بعدو يقلبو عليك ثاني و ثالث و رابع...؟
هاد خديجة لهذا السبب كانت مضطرة أنها ترازي شعرها من طرف حتى الطرف و تلبس بحال الولاد باش تفادى دوك الحوادث كاملة...
هاد خديجة اللي ماعندهاش صاك عامر مكياج بحالك... وماعندهاش الدفئ اللي أنت عايشة فيه...و الهدايا اللي كيوصلوك...
و لكن عندها واحد الولد اللي كيحبها حب الرجال و طلع إلى سماء مراكش باش يقول ليهوم بلي خديجة ماشي أي واحد بالنسبة ليه.
إلا كانت فيك ذرة إنسانية أنشر هاد الكلام باش يعرفو كاع دوك الناس اللي جالسين كيضحكو على خديجة.
(منقول)

إرسال تعليق

يتم التشغيل بواسطة Blogger.