Jamal Skali
.

وجبة الروز بقطع الدجاج سهلة و كتحممممق
طريقة تحضير الارز بالدجاج
طريقة تحضير الارز بالدجاج

انها وصفة بمكونات سهلة و متواجدة في كل دار، تاكلي منها نتي و الوليدات صغار و كبار، هذه وصفة كنحماق عليها شخصيا و كتعجب راجلي في العشاء غالبا ما كنديروها، و بغيت نتشارك معاكم و تجربوها و تردو عليً الاخبار. و لتحضير هذه الوجبة تحتاجين للمكونات التالية:
الروز (حسب عدد أفراد الأسرة)
زيت زيتون
القرفة
الابزار
الملح
الزعفران
2 حبات قعقلة
الكمون
لحم الدجاج مقطع مثل البروشيت
قطع الدجاج
قزبور
بصلة مقطعة 
2 حبات طماطم
3 ملاعق صلصة طماطم
الجلبانة (كتجي واعرة)
طريقة تحضير:
في إناء كتديري الماء و الروز مع الزيت الزيتون و القعقلة و القرفة ( العود) و من الأفضل تكون العافية مهيلة باش ميتحرقش و تبقاي تحركيه من حين لآخر.
و في إناء آخر في نفس الوقت كتديري الزيت و البصلة و الدجاج و القزبور مع التوابل كاملة حتى يتشحر عاد كتضيفي الطماطم مقطعة طريفات و صلصة الطماطم طبعا.
و إلى بغيتي متبقاش طماطم تبان و ترجعيها صلصة ماتضيفيش بزاف دالماء و إلى بغيتي يبقاو القطع كبار عادي كتهرسي السقوة بالماء و خليها طيب على خاطرها.
هكذا ملي يطيبو كاملي كتقدميهوم بحا كسكسو: في صحن كتديري الروز بعدما يكون الماء نشف كامل، و تسقيه بالدجاج اللي وجدتي حتى هو يكون شرب الماء كامل.
و بالصحة و الراحة.
طريقة تحضير الارز بالدجاج

إرسال تعليق

يتم التشغيل بواسطة Blogger.