Jamal Skali
.

وصفة رزة القاضي بالماكينة واعرة في المذاق

رزة القاضي
إليك سيدتي مقادير وصفة رزة القاضي المشهورة في المجتمع المغربي و التي تدخل في العادات و التقاليد المغربية، أكلة رائعة يحبها الصغير و الكبير، أتت لك مجلة صفاء بوصفة رزة القاضي بالمقادير و بطريقة التحضير السهلة,
مقادير تحضير رزة القاضي الواعرة في المذاق:
700 غرام طحين رطب
300 غرام طحين الفينو
الملح
1/4 كلغ مارغرين
1 كأس صغير من الزيت العادية
طحين الفورص (شويا)
الماء البارد
العسل
طريقة تحضير رزة القاضي الواعرة في المذاق
كنعجنو العجين ديالنا بالماء و الملح و نخليوه يكون قاصح مايكونش راطب
عجينة رزة القاضي
من بعد كنلفوه في الميكة و ندورو عليه شي ثوب و نخليوه يرتاح، و من الأفضل نوجدوها بالليل و نخليوها في الميكة حتى الصباح أو من الصباح حتى العشية، حيث كلما بقات في الميكة كتسهال في التدلاك
من بعد ما دوز العجين داك الوقت في الميكة كنجبدوه و ندلكوه بلا مانضيفو ليه والو
و هكذا كنقسموه حرابل و ماندهنو بوالو
عجين مدلك
كناخذو كل قطعة و كندلكوها مزياااااااااااان و نرشوها بالطحين و ندلك فوق منها قطعة أخرى و نرشوها بالطحين و هكذا حتى نساليو مع القطع كاملين
عجينة مدلكة
من بعد كنذوبو الزبدة و نضيفو عليها شويا ديال الزيت
زبدة مذوبة
و ناخذو القطع دالعجين اللي دلكنا و نجبدوها بالماكينة
رزة القاضي بالماكينة
و ندهنوها بالزبدة و الزيت اللي وجدنا
كنعاودو ندوزو كل عجينة في رزيزة دالماكينة و نحاولو نخدمو في شي بلاصة متيسعة باش العجينة اللي دوزنا في الماكينة نوضعوها في طابلة طويلة
كنسليو القطع كاملين و ناخذو أول وحدة سلينها و نجبدوها مزال بيدينا
رزيزة
من بعد نلويوها على قرعة دالزجاج أو المدلاك مزياااان

وصفة رزة القاضي
كنحيدوها من القرعة و كتعطينة شكل دالرزة
رزة بالماكينة
و هكذا كنحمروها في مقلاة من الجهتين بزوج
من بعد كنوجدو برمة دالماء و الكسكاس بحال ككنفورو، و نفووروها من الجهة الاولة غير كيطلع الفوار كنقلبوها الجهة الأخرى و هذي هي المرحلة المهمة، و كنفوروهوم وحدو بوحدة حتى نسليو العجين كامل.
و نقدموه مع العسل (مع العسل كيجي واااااااااعر)
الرزة دالقاضي
و بالصحة و الراحة
رزة القاضي بالعسل
بالصحة و العافية

إرسال تعليق

يتم التشغيل بواسطة Blogger.