Jamal Skali
.

مسمن مورق
باش يجيك المسمن مورق و بنين اللي كيحماقو عليه الكبار و الصغار عندي ليك أختي المتتبعة وصفة بسيطة و مميزة في تحضير المسمن اللي كيجي حسن من ديال السوق بشهادة الجميع، و المقادير هي كالتالي:
ربع كيلو من الدقيق العادي و نص كيلو الفرص
سميدة الرقيقة
الزبدة
الزيت العادية
ملح
قليل من السكر
خميرة العجين
طريقة تحضير المسمن:
نذوبو الملح و الخميرة و السكر في الماء ثم نضيفو الفرص و الدقيق العادي و نجمعو العجينة و ندلكوها مزيان و نخليوها ترتاح.
من بعد ما خليناها ترتاح كندهنو يدينا بالزيت كنقسمو العجينة إلى كويرات صغيرة.
في كسرولة كنذوبو الزبدة و نضيفو ليها شويا ديال الزيت العادية و نكرصو بها الكويرات و نرشو عليها شويا ديال السميدة الرقيقة و نجمعوهل بالطريقة العادية ديال المسمن على شكل مربع من بعدما رشينا كل جهة اللي طوينا بالسميدة، هذا هو السر اللي كيخليها تكون مورقة.
مقادير المسمن

تحضير المسمن

المسمن
كناخذو مربعة ديال المسمن اللي وجدنا و نكرصوها شويا على شكل مسمن و ناخذو مقلاة ديال المسمن و نديرو ليها شويا ديال الزيت و نطيبو كل مربعة على حدة.
و للتزيين كنذوبو شويا ديال الزبدة مع العسل و بالصحة و الراحة.
مسمن مغربي

إرسال تعليق

يتم التشغيل بواسطة Blogger.